મંદિર તારું વિશ્વ
મંદિર તારું વિશ્વ રૂપાળું,
સુંદર સરજનહારા રે.
સુંદર સરજનહારા રે.
પળ પળ તારા દર્શન થાયે,
દેખે દેખણહારા રે…
નહીં પુજારી, નહીં કો દેવા,
નહીં મંદિરને તાળા રે…
નહીં મંદિરને તાળા રે…
નીલ ગગનમાં મહિમા ગાતા,
ચાંદો સૂરજ તારા રે. …
મંદિર તારું વિશ્વ રૂપાળું…
વર્ણન કરતા શોભા તારી,
થાક્યા કવિગણ ધીરા રે…
મંદિર માં તું ક્યાં છુપાયો,
શોધે બાળ અધીરા રે.
મંદિર તારું વિશ્વ રૂપાળું,
સુંદર સરજનહારા રે.
સુંદર સરજનહારા રે.
- જયંતીલાલ આચાર્ય
0 comments:
ટિપ્પણી પોસ્ટ કરો